Mga kandidata sa Miss Kuyamis 2021 gipresentar na sa publiko
December 14, 2020 at 9:34 pm,
No comments
By Steph Berganio
PORMAL na nga gipaila sa publiko ang mga maanyag nga kandidata sa Miss Kuyamis 2021 nga magtigi sa titulo karon umaabot bulan sa Enero.
Ang virtual presentation kanila gipahigayon dungan sa 35th flag raising ceremony sa Provincial Capitol kaganina Disyembre 14, 2020.
Usa lamang kini sa nag-unang kalihokan nga giandam ni Atty. Jeffrey Saclot ang Provincial Tourism Head sa gikatakdang dakong kasaulogan sa Kuyamis festival karon umaabot bulan sa Enero.
Ang lungsod sa Alubijid girepresentahan ni Mitch Andrea Fuentes
Balingasag nga gipresentar ni Phoebe Jel Agocoy
Balingoan nga gipresentar ni Princess Bartolome
Binuangan gireprsentar ni Claudine Damasco
Angeliza Navajo sa lungsod sa Claveria
Ife Mae Abasula sa lungsod sa El SalVador City
Roxanne Saquilon sa Gingoog City
Allyssa Marie Cordova sa Gitagum
Ang lungsod sa Initao giprsentar ni Eds Gweenyth Limbaco
Jasaan gipresentar ni Dannah Joy Tempra
Si Jaymee Hana Padilla nagpresentar sa lungsod sa Lagonglong
Si Mythosela Villanueva maoy representate gikan sa lungsod sa Laguindingan
Krisha Mauren Edrozo sa lungsod sa Lugait
Kathy Jane Balabat maoy representante sa lungsod sa Manticao
Princess Nicole Segundo sa lungsod sa Naawan
Leah Belle acas sa lungsod sa Salay
Katheryn Guipetacio mirepresentar sa lungsod sa Sugbongcogon
Fretzie Mae Atiz mipresenta sa lungsod sa Tagoloan
Anna Grace Alturaz mirepresentar sa lungsod sa Talisayan
ug Princess Ericka Vargas maoy morepresentar sa lungsod sa Villanueva
Gipaabot ni Atty. Saclot nga ang moharbat sa titulo nga Miss Kuyamis gikan sa 20 ka mga maanyag nga kandidata makakuha og premyo ug gawas niini ang pinaka-nindot nga premyo nga maangkon sa mga kandidata mao ang oportunidad nga modala sa ngalan sa probinsya ngadto sa nasyonal nga kompetisyon.
Kanunay andam mosuporta ang probinsya sa pagpangulo ni Governor Bambi Emano sa bisan kinsa man nga magdala sa ngalan sa Misamis Oriental didto sa national stage.
Sulti niini nga dili lang kutob sa Miss Kuyamis ang mga kandidata kay kung modaog mahatagan og oportunidad nga mopresentar sa lalawigan nga siyento porsiyento nga suportado sa kagamhanan.
Ang coronation night masaksihan kini live pinaagi sa Explore MisOr Facebook Page sa alas tres ang takna sa kahapunon sa Adlaw nga Huwebes, Enero 7, 2021.
Gumikan sab sa hulga sa covid-19 strikto nga ipatuman ang mga atol sa koronasyon kon asa ang aktwal nga kompetisyon sa Teatro sa El Salvador City Hall ug walay live audience gawas lamang sa mga hurado, mga opisyal sa lalawigan, working team ug mga Tourism Officers sa matag munisipyo ug siyudad.
Photos Courtesy Miss Kuyamis official FB page