BOUT sa mga miyembro sa Sangguniang Panlalawigan sa Misamis Oriental nga mahimong ehemplo sa katawhan labina nga gihingusgan gyod kagamhanan sa Kapitolyo Probinsyal nga mabakunahan ang tanan aron mabatokan ang Covid-19.

Niaging adlaw kauban ni Bise Gobernador Jigjag Pelaez sila si Board Member Dexter Yasay alang sa ilang ikaduhang dosis sa bakuna.

Lakip sa kumpletong nabakunahan nga mga miyembro sa Sangguniang Panlalawigan mao sila si BM Wayne Militante, BM Bebing Dumadag, BM Jessa Mugot, BM Saysay Emano.

Fully vaccinated na usab ang tulo ka mga senior citizen nga mao sila si BM Michele Anayron, BM Allan Mandoquita ug BM Leonard Winstanley. 

Ang mga Board Member nakadawat sa AztraZeneca ug Sinovac nga Covid-19.

Gipakita sa tulo ka mga senior citizen nga sakop sa panlalawigan nga walay angay ika-duda, ikahadlok ug ika-guol sa pagpabakuna kay proteksyon kini sa makapatay nga virus. 

Si Board Member Yasay sa matag mga kalihokan nga gatambongan niini lakip sa iyang gaihangyo sa katawhan nga magpabakuna ug gani man gi hashtag pa niini sa iyang social media account nga facebook ang ‘Magpabakuna para likay disgrasya sa Covid nga pandemya.”

Mismong si Gobernador Bambi Emano nga nakadawat na sa iyang Sinovac Vaccine ang padayon naghangyo sa katawhan nga usa lamang ang pagpabakuna sa sulosyon nga mobalik sa normal ang tanan ug kung aduna man mataptan dili magrabehan.

Source: MisOr PIO

MIBISITA ang MinDa Chairperson ug kanhi Agriculture Secretary nga si Emmanuel Manny Piñol sa Misamis Oriental Provincial Agriculture Development Complex nga nahimutang sa Brgy. Ane-i, lungsod sa Claveria, Misamis Oriental.

Adlawng Huwebes, Hulyo 29, 2021, giubanan ug gi-tour nila Governor Bambi Emano, Provincial Agriculturist Jose Apollo Pacamalan ug Committe on Agriculture Chariman Board Member Erik Khu si Mr. Piñol sulod sa Complex.

Lakip sa miabi-abi sa bisita sila si Magsaysay Mayor Rey Buhisan ug Claveria Mayor Meraluna Abrogar.

Tumong sa pagbisita ni Chairman Piñol aron hisgutan ang mga plano sa panggamhanang probinsyal alang sa katukuran sa Integrated Coconut Processing Facility sa maong buhatan hilabina nga dako na kaayo ang kalamboan sulod sa maong pasilidad.

Gipangunahan ni Governor Bambi ang pag-tour sa bisita ug mapasigarbuhon nga gipakita niini ang pasilidad kon asa itukod ang Integrated Coconut Processing Facility, lakip sa iyang gipakita ang proseso sa pagpauga sa mga hamtong nga lubi sa mga drying barns.

Usa sa mga produkto nga sa dili madugay mabaligya mao ang Virgin Coconut Oil nga moagi sa serye sa mga klinikal nga pagsulay padulong sa potensyal niini nga mamahimong antiviral agent.

Nahimo kining posible pinaagi sa suporta sa Philippine Coconut Authority nga gipanguluhan ni Regional Manager Manuel Octobre.

Lakip sa katuyoan sa miting aron nga mahibaloan sa MinDA kung unsa nga suporta ang mahatag nila sa Panggamhang Probinsyal sa Misamis Oriental hilabina nga nakita na mismo sa Chairperson sa MinDA kon unsa ka dako og potensyal ang Misamis Oriental nga mahimong usa ka lider nga lalawigan padulong sa pag-uswag sa agrikultura labina ang industriya sa lubi.

Gikalipay og dako ni Governor Bambi Emano nga ubos sa iyang administrasyon daghan nga mga ahensya ug institusyon ang naghatag sa ilang suporta ug mga panglantaw sa umaabot nga makaayo ug makapalambo sa Misamis Oriental.

(HULAGWAY GIKAN SA LOCAL GOVERNMENT UNIT OF CLAVERIA MISAMIS ORIENTAL FACEBOOOK PAGE)

ANG maayong pagdumala sa liderato ni Gobernador Bambi Emano sa pakigbatok sa Covid-19 matawag nga labihan ka epektibo. 

Ehemplo niini mao ang mga piniriso sa Misamis Oriental Provincial Jail ug Rehabilitation Facility nga sukad mibuto ang pandemya isa o duha lamang ang nataptan sa Covid-19 kon itandi sa mga prisuhan sa kasikbit nga siyudad nga nikaylap ug nagtakod takod sa uban piniriso.

Karon panahona mas hingpit silang giprotrektahan sa amahan sa lalawigan human 300 ka mga piniriso ang gibakunahan na.

Niadtong adlawng Lunes, Agosto 2, 2021 ubos sa A2 ug A3 levels nga prioritization framework nga gilangkoban sa mga Senior Citizens ug mga dunay comorbidities o gipangbati sa panlawas gilakip ang mga piniriso kon diin ilang nadawat ang Janssen sa Johnson and Johnsons vaccines nga giilang alang sa eligible population ubos sa maong level labina usa ka doses lamang ang pagtupok niini.

Gipaabot nga mensahe sa tanang Persons Deprived of Liberty (PDLs) ngadto kang Gobernador Bambi Emano ug sa tibuok pwersa sa Provincial IATF nga sukad sa pagsugod sa pandemya wala sila napasagdan sulod sa bilanggoan.

Gani ang pagpabakuna sa mga inmates maoy usa sa pagpamatuod sa nag-unang prayoridad sa amahan sa lalawigan nga masiguro sab ang ilang maayong panlawas.

Mipadayag ang duha ka binilanggo sa ilang gibati ug pasalamat sa amahan sa lalawigan. 

“Dako mi og kalipay nga nabakunahan mi. Para sa amoa nga mga piniriso nga gitagaan mi og bili sa gobyerno. Daghan kaayong salamat Gob. sa imong panlantaw kanamo, nga bisan piniriso tuod mi wala mi nimo kalimti alang niini nga pagpabakuna,” sulti sa usa ka binilanggo. 

Duna sab kanila nga dako gayod ang pagtoo nga tungod sa pagpabakuna mahimo kining sama sa usa ka self-defense aron mabatokan ang CoVid-19. 

Sa susamang rason wala sila nagduha-duha sa pagpabakuna ug suportado ang gobyerno niining maong kampanya. 

“Dako kaayo ni og kahimoan kanamo kay mahimong self-defense aron makalikay sa CoVid-19. Mao nang dako mi pasalamat sa Gobernador,” pahayag sa binilanggo. 

Luyo sa giatubang nga dakong hagit tungod sa CoVid-19 nga anaa pa gihapon sa kasamtangan, nagsilbing inspirasyon ni Gobernador Bambi kauban ang PIATF team ang katawhan nga dunay kasing-kasing aron molambigit ug paluyohan ang iyang mga tinguha gumikan dako og kahimuan ang kooperasyon sa tanan, nga mao gyud kini ang gihingusgan sa kapitolyo probinsyal. 

Tinguha sab sa administrasyong Emano nga ilang mas mapatuman pa ang safety health protocols lakip na ang paspas, sakto ug epektibo nga vaccination roll-out process alang sa kaluwasan sa katawhan sa lalawigan.

Source: MisOr PIO

TUIG kapin na ang pakigbatok sa local nga panggamhanan sa Misamis Oriental niining makamatay nga sakit sa CoVid-19 ug subay niini aron mapanalipdan ang katawhan walay puas ang pagpahigayon karon panahona sa Resbakuna Kasangga ng Bida kon vaccination roll-out process.

Alang sa ulahing ihap sa mga nabakunahan sulod sa tibuok lalawigan sa Misamis Oriental, gibutyag sa Provincial Health Office pinanguluhan ni Provincial IATF Dr. Jerie P. Calingasan ang natalang ihap sa mga bakunado na alang sa ilang first lakip ang second dose.

Kahinumdoman nga gisugdan ang pagbakuna niadtong bulan sa Marso kung asa hangtod ning kasamtangan upat na ka klase sa bakuna ang na-alokar sa lalawigan gikan sa Department Of Health ug kaulohan sa liderato ni Presidente Rodrigo Duterte. Kini mao ang AstraZeneca, SinoVac, Pfizer, Sputnik V ug Janssen.

Alang sa unang dose alayon sa prioritization framework, sa level A1 gilangkoban sa mga medical frontliners ang mikabat na sa 17,446 ka indibidwal ang nabakunahan, level A2 o mga senior citizens miabot na sa 26,011 ka mga bakunado, level A3 gilangkoban sa mga inidividuals with comorbidities ang anaa na sa 21,262 ug karon nasugdan na ang level A4 o mga essential workers nga mikabat sa 1,383 ang nakadawat na sa ilang unang dose sa CoVid-19 vaccines.

Samtang ang mga humana natupokan sa ilang ikaduhang dose sa CoVid-19 vaccine anaa na miabot sa 14,616 alang sa level A1; 11,922 sa level A2 samtang sa level A3 anaa na sa 8,239 ka mga indibidwal ang natupokan.

Nagsilbi sab nga fully immunized na kini sila human sa ilang ika-14 ka adlaw gikan sa petsa nga sila nabakunahan alang sa ikaduhang doses.

Aminado ang pwersa sa IATF nga dunay mga lungsod gikan sa 23 kabuok sa lalawigan sa Misamis Oriental lakip duha ka dakbayan nga wala pa nakasugod sa level A4 tungod kay kasamtangan pang gitapos ang levels A2 ug A3 kanila.

Sa maong rason mihangyo ang kagamhanang probinsya sa dugang daghan nga alokasyon alang sa mga LGUs nga gahulat pa aron sa hinanali dili na malangay ang pagpang-apod-apod sa mga bakuna.

Si Gobernador Bambi Emano nihangyo sa katawhan nga kung available na ang bakuna dili magdumili kay mao kini ang bugtong lakang nga makalingkawas batok sa makapatay nga virus ug malaumon kini nga sa umalabot panahon mabalik ra sa normal ang tanan duyog sa kausa sa tanang katawhan nga dili angay magkumpyansa hilabina nga gataas pa gihapon ang kaso sa nag-positibo sa Covid-19.

Source: MisOr PIO

Dili lamang pinansyal nga tabang alang sa mga scholars sa probinsya ang kanunay nga ilang giatiman apan lakip sa ilang gihatagan og pagtagad ang padayon sa paghatag og skills training program alang sa mga iskolars.

Kauban ang Kinoguitan National Agricultural School (KNAS) isip institusyon nga maoy naghatag og training sa mga vocational course ngadto sa mga iskolars, nagpahigauom og 16 ka adlaw nga training ang maong eskwelahan alang sa Produce Organic Concoction and Produce Vegetable leading to Organic Agriculture Production NC II.

25 ka mga iskolars ang misalmot sa maong training ug kini gipahigayon sa Misamis Oriental Tourism Complex and Botanical Garden sa lungsod sa Claveria, Misamis Oriental.

Mokabat sa Php 169,700 ang kinatibuk-ang budget nga gimugna sa IKNB sa maong training lakip na ang Transportation Allowance, Meal Allowance ug mga materyales alang sa gardening nga nagamit sa mga iskolars nga misalmot sa maong skills training.

Padayon sa pagsuporta si Governor Bambi sa mga iskolars sa lalawigan hilabina taliwala niining pandemya hilabina kanunay nga gaibalik-balik niini nga ang hustong edukasyon maoy yawi sa maayong kaugmaon.PR

photo courtesy IKNB

Human ang pagkasunog sa buhatan sa PHO niadtong Abril 14, 2021 ang maong buhatan ilawom sa pagdumala ni Dr. Jerie Calingasan wala nagmakuli sa paghatag sa mga batakang serbisyo hilabina sa mental health sa tanang Misamisnon human gimandoan kini ni Governor Bambi nga sigurohon ang aspeto sa kahimsog sa pangisip.

Bisan paman sa pandemya, ang maong buhatan ilawom ni Provincial Coordinator for Mental Health/Drug Induced Psychosis Program nga si Ms. Joy Tagarao padayun sa pag-implementar sa nagkalain-laing Mental Health programs sama na lamang sa pagpanghatag og mga tambal nga maintenance sa mga mentally-illed person gikan sa nagkalain-laing lungsod sa probinsya.

Ang maong programa sakop kaniadto sa MisOr Cares tungod kay susama ang tumong niini sa paghatag og serbisyo hilabina sa panglawas sa mga Misamisnon.

Kasamtangan, walay natala nga pagtaas sa kaso sa mentally-illed person tungod kay maayo ang pagdumala niini apan ang dominante sa pasyente niini ang mga kabatan-onan tungod sa kalisod sa modules hilabina ning panahon nga blended learning ang paagi sa pagkat-on sa mga kabatan-onan.

Ang mga programa sama sa Information Dissimenation pinaagi sa Mental Health Awareness ngadto sa mga munisipyo ug mga kabarangayan aron sa pag edukar sa mga katawhan bahin sa mental health program sa lalawigan; After Care ug Follow up sa mga pasyente hilabina sa pagpanghatag og maintenance kanila; Pagpanghatag og mga ayuda ngadto sa mga pasyente nga namatyan o naagian sa katalagman pinaagi sa pag refer sa buhatan sa PSWD o Provincial Social Welfare and Development ug pang-apud-apod sa ilang mga monthly maintenance nga Oral Medicine ug Injections nga libre lakip na ang pagkunsulta.

Taliwala sa gisagubang karon, daghang mga paagi nga padayun nga gibuhat sa maong buhatan sama na lamang sa pagtawag pinaagi sa cellphone o text gikan sa mga RHU Staff ug mga Barangay Officials. Kasamtangan, ang mga RHU Staff, Kagawad ug Kapitan lamang ang mahimo nga moadto aron pagkuha sa injections ug mga tambal sa ilang mga pasyente gikan sa ilang munisipyo.

Bout lamang nga masiguro sa administrasyon ni Governor Bambi Emano nga matutokan ang bisan unsang panginahanglan sa katawhan dili lang sa ekonomikanhon, pisikal, financial, social apan mental nga aspeto hilabina nga naghatag sab og kagoul sa kadaghanan kining sitwasyon karon hatod sa pandemya.

Aron masiguro ang pagpadayon sa mga serbisyo niini sa katawhan, ang Lokal nga Panggamhanan sa Misamis Oriental nga girepresenta ni Provincial Population Officer Mr. Andrew Gapuz, Provincial General Services Office Head Mr. Matthew Valleser, Management Information System Head Engr. Jun Balo, ug Provincial Veterinary Head Dr. Benjamin Resma mitunol og Meal Allowance alang sa mga Barangay Population Volunteers (BPV) ug Municipal Population Officers (MPO) sa probinsya.

Makadawat og ₱ 352,000.00 alang sa tuig 2020 ang 352 ka mga Barangay Population Volunteers samtang ang 23 ka mga Municipal Population Officers makadawat og ₱ 58,000.00 alang sa unang quarter sa tuig 2021.

Misalmot sa maong pagtunol si Ms. Rowena Roxas nga maoy Presidente sa tanang Municipal Population Officer nga gikan sa Manticao, Misamis Oriental ug si Ms. Angelina Quidet nga maoy Presidente sa tanang Barangay Population Volunteers nga gikan sa Brgy. Tamboboan, Claveria, Misamis Oriental pinaagi sa zoom app lakip ang mga nagkalain-laing MPOs ug BPVs sa lalawigan.

Kasamtangan, walay hunong ang mga Barangay Population Volunteers sa paglihok isip boluntaryo nga maoy gabisita ngadto sa mga kabalayan nga nanginahanglan og family planning services ug uban pang serbisyo samtang ang mga Municipal Population Officers maoy nanguna sa mga lecture mahitungod sa family planning, responsible parenthood ug ang paghatag og dugang kasayuran mahitungod sa teenage pregnancy.

Tipik pa lamang kini sa daghan nang mga empleyado sa matag barangay ug munisipyo ang natabangan ug wala gipasagdan sa administrasyon ni Governor Bambi nga nagpamatuod lamang nga aduna kini kasingkasing sa tanang ginsakopan niini.

Source: MisOr PIO

Sa maong Awarding Ceremony, gitagaan ug pasidungog ang mga Indibidwal, Yunit, Organisasyon ug mga stakeholders sa kwerpo sa kapulisan nga adunay dakong gikalambigitan sa pagresponde ug pagpakigbatok sa pandemya ug kriminalidad sa lalawigan ug mga nagkadaiyang ginsakupan.

Anaa nitambong ang mga nagkadaiyang miyembro sa kapulisan sa lalawigan lakip na mga indibidwal nga midawat sa maong mga pasidungog.

Sa Unit Awards, nakuha sa Gingoog City Police Station ang Outstanding City Police Station CY 2021 Provincial Level ug sa Jasaan Municipal Police Station isip Outstanding Municipal Police Station CY 2021 Provincial Level.

Sa Individual Awards, gidawat ni PLT. Loudivina A. Fuentes gikan sa Gingoog City Police Station ang Outstanding PCR Junior PCO for CY 2021 Provincial Level samtang gidawat ni PCpl. Glennfrey Holy B. Bailo gikan gihapon sa Gingoog City Police Station ang Outstanding PCR Junior PNCO for CY 2021 Provincial Level ug national awardee usab sa maong pasidunog.

Gidawat ni NUP Laarni Joy J. Conadera sa Initao Municipal Police Station ang Outstanding PCR NUP for CY 2021 Provincial Level ug usa ka national awardee usab sa maong pasidungog.

Dugang pasidungog ang gihatag kang Dr. Alexander M. Simbulan ug sa Anti-Narcotic InternationalAssistance Group (NARIAG) tungod sa ilang makanunayong suporta ug kontribusyon sa Misamis Oriental Police Provincial Office aron makab-ot ang regional level isip Outstanding Police Community Relations Development Unit ug nominee sa National Level sa calendar year 2021.

Gihatagan usab ug pasidungog ang LGU Gingoog isip Best Local Government Unit ug personal nga gidawat ni Mayor Erick Cañosa ang plaque of recognition.

Anaa sa maong seremonya ang presensya ni Provincial Director PCOL. Raniel M. Valones, Deputy Provincial Director for Administration PLTCOL Al M. Abalanes ug Deputy Provincial Director for Operations PLTCOL Noel V. Lomente ug mga personahe sa MOPPO.

Makanunayon nga gisuportahan ni Governor Bambi Emano ang mga lakang sa Misamis Oriental Police Provincial Office labina nga dako ang nahimong tabang sa pwersa sa pagmintinar sa kahusay ug kalinaw sa lalawigan nga maoy tipik sa hinungdan nganong nakab-ot ang tukmang kalamboan.

Gipangunahan mismo ni PCO Head Mr. Alberto Acain ang pagpangtunol sa mobalor P175,000 sa duha ka mga kooperatiba.

Unang gitunol ang P75,000 nga kantidad sa 52 ka mga miyembro sa San Antonio Farmers Multipurpose Cooperative sa Barangay San Antonio, Jasaan nga gitambongan og lakip nila ni Board Member Dexter Yasay, COOP Chairman Mr. Celso Virtudazo, Barangay Kagawad Alfonso Balde ug ni Jasaan Mayor Redentor S. Jardin.

Ikaduhang hugna sa pagpangtunol sa Muslim Bangsamoro Livelihood Association Inc. sa Zone 10-B, Sihayon, Barangay Sta. Cruz, Tagoloan kon diin P100,000 nga kantidad ang gitunol ni PCO Head Mr. Acain uban sila ni Atty. Nadya Emano Elipe, Kagawad Dr. Ignacio Bobby Factura II, Kagawad Roger Achas, ug COOP President Hassanoden G. Pundaodaya.

Ang pagtunol sa mga nasangpit nga kantidad kamandoan ni Gobernador Bambi Emano sa buhatan sa PCO nga hatagan og oportunidad ang mga kooperatiba aron makasugod, makabangon ug mopalambo sa ilang tagsa tagsa ka miyembro taliwala niining pandemya.

Ang usa dakong garbo sa lalawigan nga mao ang Misamis Oriental Tourism Complex and Botanical Garden nga nahimutang sa Route 955 taliwala sa lungsod sa Claveria ug dakbayan sa Gingoog nga gipanindot sa administrasyon ang karon mas mikita ug nahakatag panginabuhian sa katawhan.

Niadtong Hulyo 21,2021 atol sa usa ka programa sa radyo ni Goberndor Bambi malipayong gipaabot niini sa kahanginan nga dihang nabuksan kini sugod niadtong Hulyo 8, 2021 dungan sa paglunsad sa Kuyamis OTOP (One Town One Product) Hub sulod sa Café Terasa niini.

Matud ni Dr. Benjamin Resma, ulo sa Provincial Veterinary (ProVet) Office nga kanunay andam ang panggamhanan sa lalawigan sa paghatag og pinansyal nga tabang nga tag Php 2,000.00 matag baboy alang ngadto sa mga mag-uuma nga wala pa marehistro ang binuhi sa Philippine Crop Insurance Corporation (PCIC) sa higayon nga ila kining i-surrender aron i-cull.

Gawas sa maong pinansyal nga ayuda anaa usab livelihood assistance ang i-tanyag sa ProVet ngadto sa mga apektadong mag-uuma isip hulip sa ilang nahunong nga panginabuhian.

Buot ipasabot ni Dr. Resma nga sugod niadtong unang adlaw sa Hulyo, ning tuig nihunong na sa paghatag ang Department of Agriculture (DA) sa tag Php 5,000.00 ngadto sa mga apektado tungod kay ang maong responsibilidad anaa na sa PCIC nga doble ang ihatag nga kantidad sa matag-baboy nga i-cull.

Panawagan karon ni Governor Bambi uban ni Dr.Resma ngadto sa mga gabuhi og baboy nga modalikyat sa ilang Municipal Agriculture Office aron masuta ang gikinahanglan nga dokumento sa pagpa-rehistro sa ilang mga binuhing baboy tungod kay alang lamang ngadto sa mga rehistradong baboy ang pinansyal nga tabang nga madawatan gikan sa PCIC.

Hangyo karon sa amahan sa lalawigan ang hugot nga kooperasyon sa katawhan niining gisagubang nga problema sa ASF aron malikayan ang pagkaylap sa maong virus sa laing lugar sa lalawigan nga moresulta sa gamay nga suplay sa karneng baboy nga maoy nag-unang source sa protina ngadto sa mga konsumante.

Source: MisOr PIO

Gumikan niini si Gobernador Bambi Emano walay pakyas nga nag-apela sa tanan nga mga Misamisnon nga mag-amping ug sundon kanunay ang mga protokol ug mga panudlo sa kahimsog nga gitakda sa gobyerno labina karon nga ang grabe nga makatakod nga virus nga nahitabo na sa mga kasikbit nga dakbayan sa probinsya.

“I hope you too will realize that COVID-19 is not a joke especially with the Delta Variant,” matud ni Gobernador Bambi.

Niadtong Hulyo 16, 2021 nag-isyu ang National IATF og Resolution No. 127-E nga ang probinsya sa MisOr gibutang ilawom sa klasipikasyon sa General Community Quarantine (GCQ) nga molungtad hangtod Hulyo 31, 2021 tungod sa makaalarma nga pagkadetektar sa Delta Variant sa Cagayan de Oro ug Gingoog City.

Pinauyon sa Centers for Disease Control and Prevention (CDC), ang Delta Variant, nga nailhan usab nga B.1.617.2 mahimong mas dali nga mokaylap. Aduna kini mga pagbag-o sa spike protein nga naghimo niini nga mas simple nga makatakod sa mga cell sa tawo, sumala sa pagtuon.

Kini nagpasabot nga kung adunay usa nga mataptan sa virus, mahimo sila nga makatakod ngadto sa lima ngadto unom ka tao.

Sulod sa isa ka tuig ug upat ka bulan gikan ang probinsya nagproklamar og state of calamity gikan Marso 9, 2020 ang probinsya sa Misamis Oriental nga gipangulohan ni Gobernador Bambi kauban ang punoan sa IATF sa Lalawigan nga si Dr. Jerie Calingasan nagpabiling lig-on ug karon epektibo ang mga pagpaninangkamot nga makita sa pagminus sa kaso sa COVID-19 sa probinsya ning panahona.

Taas ang paglaom ni Gobernador Bambi Emano nga pinaagi sa hugot nga koordinasyon ug kooperasyon sa mga kawani sa gobyerno ug tanan nga mga kalungsuran sa probinsya lakip ang pagtubag sa panawagan nga magpabakuna walay imposible nga dili maluwas ug makalingkawas ang katawhan sa lalawigan niini nga pandemya.

Source: MisOr PIO 

Taliwala sa kalisod sa panahon karon wala nahaylo Si Mr. Paul Vince C. Namocot - Administrative Aide 1 nga usa ka Casual Employee nga tulo na ka tuig nanerbisyo sa lalawigan isip drayber nga anaa na-assign sa Assistant Provincial Administrator’s Office dihang ang nakita niining salapi sulod sa Kapitolyo Probinsyal ang iya gyud nga gi-intrigo deretso ngadto kang Dr. Benjamin Resma nga mao ang bag-ong napiling head sa MODHA. 

Atol sa ika-66 nga senimanang pagpakayab sa nasudnong bandila niadtong Hulyo 19, 2021 gipasidunggan ni Gobernador Bambi Emano si Mr. Namocot pinaagi sa paghatag og Certificate of Recognition ug pahalipay nga kwarta kon diin gidoble sa Gobernador ang kantidad nga nakita ug giuli niini.

“Bisan sa kalisod sa panahon, sa kalisod tungod sa pandemya, nakakita siya og gamayng kwarta ug wala niya gisulod sa iyang bulsa. Gusto nako ipakita sa inyo nga dinhi sa probinsya bisan ang maayong binuhatan tagaan nato og ganti ug honor. Simple ug yano kaayo nga pamaagi nga mahimong mapanaminan sa iyang mga anak ug mga kaliwatan. Iyang gipakita ang kamatinud-anon, a true honest employee,” matud ni Gobernador Bambi.

Mismo si Gobernador Bambi Emano ang mitunol ug mibasa sa encryption sa maong sertipiko kung asa highlight niini ang gipakita sa maong empleyado nga mahisama sa usa ka karakter nga ehemplo ngadto na sa tanan ug magsilbing maayong impluwensya sa uban.

Saysay sab ni Mr. Namocot nga wala siyay laing motibo niadtong tungora sa pagkakita sa maong kantidad apan ang tinguha nga mauli gayod kini ngadto sa tag-iya. Gani misulti kini isip pagdasig sa uban nga kung sila sab ang mabutang sa iyang kahimtang, kinahanglan nga ipasulabi ang pagkamatinud-anon ug dili hakog nga batasan.

“Basta kwarta nga dili nato hinagoan ug atong makit-an, angayang ibutang nato atong kaugalingon sa lugar sa taong nawad-an pod ug kung unsa iyang gibati basin kahadlok o kabalaka, mao dapat atong i-uli kini kay dili man atoa,” sulti ni Mr. Namocot.

Dako ang pasalamat ni Mr. Namocot ngadto na sa panggamhanang probinsya hilabina kang Gobernador Bambi, Dr. Resma ug iyang head sa Departamento nga si Ms. Carol Caidic nga nagsilbing taytayan aron magpabilin ug mas nahimong mahinungdanon ang iyang katuigan isip public servant.

Susama sa panultihon nga “kindness goes a long way” wala gayod mihikling sa pagpakita sa saktong pamatasan si Mr. Namocot ug nagsilbing dakong kahimoan ang simple lamang niya nga pag-uli sa kwarta nga mibalik kaniya sa ganti nga sobra pa sa materyal o butang, apan ang marka nga mamahimong dumdumon ug lantawon sa ubang empleyado ug mga Misamisnon nga usa siya ka sulundon ug matinud-anon sa pagpanerbisyo.

Source: MisOr PIO