Integrated waste facility gikatakda sa Misamis Oriental
January 15, 2021 at 8:48 am,
No comments
By Steph Berganio
Ang kompanya sa Integrated Green Technology naglantaw sa dakong posibilidad sa pagpatukod og usa ka moderno ug nag-unang technology plant alang sa Integrated Waste Management Facility dinhi sa Misamis Oriental
Niadtong adlaw nga Huwebes, Enero 7, adunay panagtigom sa mga opisyales gikan sa IGT sa pagpanguna ni Mr. Michael C. Jimenez, kinsa maoy CEO sa kompanya, Zehira Philippines, Inc., lakip usab ang mga Construction and Development Companies kauban ang Provincial Government pinangunahan ni Governor Bambi Emano uban ang pila ka mga Sanguniang Panlalawigan Board Members ug mga bisita
gihisgotan ang proposal sa IGT nga magtukod ug mag-establisar sa gitawag nga Ultra Modern Waste Disposal Facility sa lalawigan.
Tinguha niini nga katukoran sa pasilidad nga mokunhod ang epekto sa Global Warming pinaagi sa pagtukod sa nag-unang teknolohiya sa natad sa ‘Proper Waste and Disposal System’.
Si Governor Emano positibo sa maong proyekto gumikan nalantaw niini nga maghatag kini og kalamboan sa probinsya sa sunod pa nga mga katuigan. magsilbing dakong tabang sa probinsya sa pagkolekta sa basura hilabina mamahimo na nga wala’y landfills ug open dumpsite.
Wala sab investment sa Materials Recovery Facility kon MRF sa mga LGUs, wala sab kini igawas nga baho sa basura ug ma-limpyo ang hugaw nga tubig, ma-sanitized ang ‘Hazardous Waste’ sama sa ‘Medical Waste’, maka-tigom og elektrisidad, pagpatuman sa usa ka limpyo ug hamugawnga probonsya ug labaw sa tanan makahatag panginabuhi sa Misamisnon.
