Pulis nga nabangga, DOA sa ospital
January 15, 2021 at 9:00 am,
No comments
By Steph Berganio
DEAD on arrival sa Capitol University Medical Center ang usa ka pulis nga naligid sa iyang motorsiklo dihang unang nabanggaan sa Toyota Altis ug mipaingon sa nagdagan nga dumptruck hinungdan sa kadaot nga naangkon niini diha sa Puerto siyudad sa Cagayan de Oro.
Giila ang biktima nga mao si Police Seargent Emmerson Macasero, 46 anyos, aktibong sakop sa Misamis Oriental Provincial Police Office.
Sa inisyal nga imbestigasyon sa kapulisan nasuta nga Susama ang direkyson sa motorsiklo sa pulis ug sa Howo dumptruck nga paingon sa este apan misuway og overtake ang pulis nga milapas sa outer lane hinungdan unang nabanggaan kini sa Toyota Altis usa kini milagpot paingon sa kilid sa nagdagan nga dumptruck.
Gisuwayan pa og dala sa ospital sa CUMC apan dead on arrival nga gideklarar sa doktor.
Photo courtesy COCPO