20,000 migradwar ug natabangan sa IKNB
Kini aron ipaabot sa mga kabatan-onan nga bisan sa kalisod adunay mga programa nga mopasayon aron makab-ot ang kalamposan.
Gipaabot sab ni Larongco ang iyang dako nga pasalamat sa programa ug gibutyag niini nga sa miaging administrasyon usa lamang siya kaniadto ka volunteer sa balay tambalanan apan paglingkod ni Emano daw nalakip siya sa mahatagan og sweldo kau daw dili bout niini nga dunay maghatag og serbisyo apan dili masweldohan og insakto.
Samtang usa ka Rey Capili nga taga Sinaloc, El Salvador nga usa na karon ka Industrial Meat cutter sa dakong kompanya sa nasud sa Canada ang usa gihapon sa milampos gumikan sa IKNB.
"Nagpasalamat ko sa Governor sa pagsuporta sa susama nako nga anak sa kabus, Nagpasalamat ko og dako nga tungod kanimo nakakuha ko sa dako nga trabaho diri sa Canada," matud niini.
14 KA TUIG
Matud ni Emano nga dili tanan nga mga napili sa posisyon adunay programa nga susama niini apan garbo alang kaniya nga nakahigayon sa pagserbisyo ug gumikan sa programa liboan ka mga kabatan-onan ang milampos.
Gibutyag niini nga ang Edukasyon lamang ang bugtong nga butang nga maoy angayan nga ihatag ngadto sa mga kabataan.
Gipaabot sab niini nga gihatagan og gibug-aton sa iyang administrasyon ang edukasyon gumikan kay kini ang yawi nga makab-ot ang ilang mga pangandoy sa kabatan-onan.
