MisOr isip 'Balsa Capital' sa Northern Mindanao
By Steph Berganio
MOKABAT 39 na ka mga balsa ang nag-operate sa kadagatan partikular sa lungsod sa Laguindingan ug Alubijid sa Misamis Oriental.
Samtang nagpadayon karon ang pag panghimo og balsa ug aduna na usab ga-operate sa mga lungsod sama sa Magsaysay, Gingoog City, Talisayan, Salay ug uban dapit nga maoy rason gatawgon na ang lalawigan sa Misamis Oriental nga 'Balsa Capital' sa Northern Mindanao.
Butang nga gikalipay og maayo ni Misamis Oriental Governor Bambi Emano.
Matud niini sa interbyu sa NM Daily Source nga walo ka tuig ang nilabay dihang iyang gisugdan ang pagpalambo sa Turismo ug ngani man makadawat siya og wala ug tou nga batikos gikan sa iyang kaatbang gumikan dili kini molampos kay anaa sa pulo sa Mindanao.
"Dako kaayo akong kalipay.... when I started 8 years ago nga naghisgot ko bahin sa turismo walay nagtou dili nila masabtan. Naa pay mga kaatbang nga moingon 'buang daw ko' unsaon daw pag anhi sa turista nga naa man sa Mindanao ug akong gipaningkamotan to prove them wrong and now that I have proven them wrong gapahumanay na hinoun akong termino," matud ni Emano.
Dugang niini nga naila na ang turismo sa lalawigan nga maoy iyang gisugdan.
"When tourism is about to take off and has taken off already last term napod ko and I dont know the future of tourism but I opened the gates of tourism already and it's very difficult to closed the program," dugang niini.
Matud niini nga adunay mga munisipyo nga wala gipalad nga adunay tourist spot sama sa waterfalls, spring apan gumikan sa inobasyon ug ideya sa mga Tourism Officers labina ang kaikag ni Provincial Tourism Head Atty Jeffrey Saclot mas maila pa ang turismo sa lalawigan ug natukod kining balsa.
"Naay mga munisipyo nga dili kaayo blessed pareha sa uban munisipyo and they were not given national resource like wala kaayo falls wala silay spring ug bukid nga maanindot og weather so nag innovate atong tourism officers and municipal tourism officers irregardless of political color," matud ni Emano.
Gumikan sa pagkatukod sa Balsa daghan sa katawhan lakip taga laing dapit ang ga-ekperyensya niini.
"In fact around 7,000 people go to Laguindingan and Alubijid per weekend diha sa Balsa and our people are earning so nakita nako and I think I have proven them already that tourism will really employ, that tourism will earned money, tourism is a multi-billion dollar industry bisan ginagmay lang atong makuha ug domestic tourist pwede na makakuha og panginabuhian," matud ni Emano.
'BUILD MORE BALSA'
Giaghat sab ni Emano ang katawhan nga magbuhat og daghang Balsa ug unta dili sab kalimtan ang mga health protocols sa pakigbatok sa Corona Virus Disease (Covid-19) nga gimando sa Inter Agency Task Force.
"Dako akong kalipay, I can only hope that they can maintain the cleanliness, as of the moment lang ang standards nga gi set sa IATF and I really want them to continue to build more Balsa," aghat ni Emano.
Dugang niini nga kung ang mga mayores sa lungsod, kapitan sa mga kabarangayan suportado ang programa sa turismo walay imposible nga dili makab-ot ang kalamboan.
"As long as the chief executive of the municipalities, the brgy official will really support the tourism program then they will be able to think of more things that I was not able to think of... that they will able to take advantage the natural reaource given to them, wala man silay falls and spring so mao na nihimo sa lain nga mga pamaagi to boost their tourism and help their constituents," matud ni Emano.
Gipahibalo usab niini nga dili lang ang anaa sa ubos karon ang nahatagan sa panginabuhian gumikan sa Balsa apan lakip kadtong anaa sa kabukiran nga dunay mga tanom nga kawayan tungod kay in-demand ug halinon na kini kaayo karon.
EXPERIENCE BALSA
Talagsaon nga ekperyensya ang matagamtaman sa Balsa labina nga anaa kini naglutaw lutaw taliwala sa kadagatan, unlimited ang pagligo ligo sa limpyo nga dagat ug malantawan pa ang palibot sa kadagatan ug nindot nga mga baybayon.
Kumpleto sa amenidad ang floating cottage gumikan sulod niini adunay grilling station, ilisanan, dako nga lamesa, luag nga bangko ug swimming pool alang sa mga bata.
Luwas usab ang pagligo-ligo kay adunay life jacket matag usa ka indibidwal ug adunay gabantay nga gatubag kon ugaling adunay di malikayan nga emerhensya.
Sagad sa rate niini magdepende sa gidaghanon ug kapasidad sa balsa apan sagad niini moabot sa P3,000 ngadto P4,000 ang renta sa Balsa kon asa moabot na ngadto sa 20 ngadto 30 ka tao ang maakomodar niini.
Photo by steph berganio