Covid-19 vaccination simulation exercise sa MisOr pasado sa DOH
February 22, 2021 at 12:08 pm,
No comments
By Steph Berganio
PASADO sa Department of Health-Region 10 ang Covid-19 vaccination simulation exercise sa Misamis Oriental nga labing unang lalawigan nga nagpahigayon niini sa nasud sa Pilipinas.
Gihimo kini sa Provincial Inter-Agency Task Force sa pagpanguna ni Dr. Jerie Calingasan aron kung moabot na ang mga Covid-19 vaccines, plastar ang implementasyon sa pagbakuna ug kinahanglan nahisubay sa proseso.
Via zoom mitambong ang nagkalain laing probinsya sa nasud uban ang ilang mga Provincial Health Officers.
Mitambong usab ang nagkalain-laing LGU sa lalawigan aron maedukar sa plastar nga pagpang-apod og bakuna ug proseso sa pagkuha sa vaccines ug ang pagdala niini ngadto sa kalungsoran.
Lima ka scenario ang gihimo atol sa simulation exercise nga gilangkoban sama sa pre vaccination awareness/exercise kon asa gipasabot ug maayo ang epekto sa bakuna ug labaw sa tanan ang benepisyo kung mabakunahan.
Lugar o waiting area nga alang lamang sa mga kliyente nga adunay gihuptan nga appointment card.
Aduna sab Registration Area kon diin dinhi ipaubos sa re-checking sa appointment cards basi sa ilang gikuptan nga master list.
Counseling and Final Consent Area kung asa ipaubos sa final briefing ug signing of consent ang mga kliyente ug Screening Area kon ipaubos sab sa physical examination ug vital signs.
Diri sab masuta kung ang kliyente usa ka high risk o low risk o kwalipikado ba gyud nga bakunahan.
Gidala dayon sila sa Vaccination Room alang sa aktwal nga pagbakuna ug sa katapusan giyahan sila padulong sa Post Vaccinaton Area kung asa maghulat ang mga nabakunahan sulod sa 20 minuto ngadto isa o duha ka oras aron obserbahan ang epekto sa bakuna sa ilang panglawas.
Nakastand-by na usab daan ang mga healthworkers lakip ambulansya aron paspas nga makaresponde kon adunay magpakita og seryoso nga problema human sa pagbakuna.
"After the simulation i already recieved a text nga mangayo kuno sila og kopya sa simulation process ang uban probinsya, for the province it was the first time.." pasabot ni Dr. Jerie ug nipasabot nga aduna nay uban siyudad ug munisipyo nga nagpahigayon og simulation apan labing una ang MisOr nga lalawigan nga nagpahigayon niini.
Sa kinatibuk-an gipaabot ni Dr. Calingasan nga ang pagpabakuna dili kinahanglan nga ikabalaka ug gikanahanglan kini aron maundang ang transmisyon sa makamatay nga virus.
Kung gikabalaka man sa katawhan ang epekto niini giingong talagsaon ra kaayo ug normal lamang ang pipila ka mga side effects nga mawala ra human sa pila ka adlaw.
Malaumon sab si MisOr Governor Bambi Emano nga human sa simulation mas maimplementar og maayo sa lalawigan ang saktong pagbakuna aron nga hingpit nga maluwas sa makapatay nga virus ang katawhan.
Gipaabot sab niini nga bulan sa Marso ngadto sa Abril gitakdang modangat ang covid-19 vaccines ug gisiguro niini sa katawhan nga diha dayon iimplementar ang vaccination.
PASADO SA DOH
Mihatag sa iyang reaksyon si Dr. David Mendoza ang Chief of Local Support Divsion sa DOH-10 kinsa usa sa observer atol sa simulation exercise.
"Over all the simulation was great, we learned so much, I have lerned a lot as an observer and kamo mga performers may improved also the skills that you have done while doing the simulation, pag totoo na iba na," matud ni Dr. Mendoza ug nakadayeg sab sa aksyon sa Provincial Disaster Risk Reduction Management (PDRRMD) sa pagresponde sa emerhensya.
Aduna sab kini mga pahimangno nga gihatag aron mas epektibo ang preparasyon sa gikatakdang pagbakuna.
Sa iyang bahin ni DOH 10 Assistant Regional Director Ellenieta Gamolo giaghat niini ang tanan katawhan nga suportahan ang pagbakuna kung moabot na sa rehiyon ang Covid-19 vaccines.
"Hopefully by the time vaccines arrived in Region 10 you were all be ready to get vaccinated yourselves and I would like to urged everyone for those who are still having second thoughts, questions about the benefit over the risk of getting vaccinated ...please we know how important vaccines are, we believe this is the very essential primary intervention in public health against infectious diseases all this time who have been with us in public health we know how vaccines are important," matud niini ug miingon nga ang usa kini sa paagi nga makatabang mobalik sa normal nga sitwasyon ang tanan.
Photos svb