Special Report: PILA KA MGA TOURIST SPOT SA BUKIDNON UG MISOR BALIK SA NORMAL NA ANG MGA OPERASYON
Usa ka Agricultural, Eco-Adventure, Farm and Aqua Tourism tour Circuit familiarization tour ang giorganisa sa Department of Tourism Region 10 alang sa mga sakop sa media ug mga social media influencers sa rehiyon niadtong Disyembre 8 ngadto petsa 10 ning tuig.
Inisyatiba kini nga gimugna ni DOT 10 Regional Director Elaine May Unchuan aron mapromotar ang mga tourist spot nga gikonsiderang akreditado sa ilang buhatan.
Lakip niini ang tinguhang makabangon ang natad sa turismo human labihan nga naapektuhan sa pandemya. Dili lang mga nindot nga lugar ang adunay dako og potensyal nga mahimong suruyanan apan gipalapdan sa DOT Region 10 ang pagpromotar sa mga agricultural, eco-adventure ug farm tourism.
Lakip sa mga lugar nga bout sa DOT nga maila, sulayan nga suroyan sa mga turista sa probinsya sa Bukidnon mao ang PBF Farm o Bernales Farm nga nahimutang sa Talakag, Bukidnon, Binahon Agroforestry Farm sa Lantapan Bukidnon, Angayan usab nga bisitahon ang Salima Saway Soil Painting Gallery sa Lantapan Bukidnon gumikan sa kanindot sa ilang mga painting nga gama sa mga tribung Talaandig gamit ang nagkalain-laing klase sa yuta.
Ang Mt. Kitanglad Natural Heritage Park (Cinchona) nga bukas na karon panahona ang hugot nga gipreserbar ugusa sa puloy-anan sa Philippine Eagle.
Lakip sa nindot nga suroyan nga alampoanan mao ang Abbey of Transfiguration sa Malaybalay City bukidnon ug isip pasalubong, angayan usab hapitan ang Tagolwanen Women Weavers Association showroom sa nasangpit nga siyudad.
Dili usab lisod ang katulgan sa dapit kay kumpleto sa amenidad, kusog ang wifi connections, nindot nga view ang Loizas Pavillion. Dili usab magpaulahi kon Farm Tourism ang hisgotan sa lalawigan sa Misamis Oriental.
Ang PTRI o Philippine Textile Research Institute ang bukas usab sa mga turista nga mobisita labina niadtong gustong makakat-on kon asa nagsumikad ang silk o tela nga giprodyus gikan sa gipadaghan nga silkworm sulod sa farm sa Villanueva Misamis Oriental.
Ang sikat nga Claveria View Deck nga gabalik-balikan sa mga turista gumikan sa nindot nga view ug nagkalainlaing klima sa panahon ang maeksperyensya. Gipakita sab sa Don Narciso Café ang pagproseso sa ilang kape nga perfect kaayo sa ilang nindot nga view ug mabugnaw nga palibot.
Ang The Grove nga gipalambo sa administrasyon ni Mayor Erick Cañosa sa Gingoog City ang usa sa top tourist destination sa umaabot sa siyudad. Lakip sa ilang gipokosan sa administrasyon ang pagpalapad sa umahan sa Oolong Tea Plantation nga anaa sa Kalagonoy Gingoog City kon diin nahimutang ang gipatukod sa Provincial Government nga Ooolong Tea Processing Center.
Dili usab lisod ang makatulgan, laagan ug kaligoan kay ang Mantangale Alibuag Dive Resort sa este nga bahin sa Misamis Oriental ang kumpleto sa amenidad gikan sa lami nga mga pagkaon, komportable nga katulgan, adunay maligoan nga swimming pool ug sa mahilig sa kadagatan.
Ang Duka bay Resort nga lakip sa kumpleto sa amenidad ang gikonsiderang marine sanctuary ug bukas sa bout moeskwela sa diving. Glass Bottom viewing ug fish feeding lakip sa aqua adventure. Andama imong kaugalingon kay sa MisOr dili ka mahutdan og malaagan. Usa na niini ang DOT accredited nga Mantianak Botanical Garden and Zoological Park, Halseyle Hill sa lungsod sa Sugbongcogon. Mahimo sab hapitan ang Salay Handmade Paper Inustry kon diin ang mga baligya niini 90 porsiyento nga gi-export ngadto sa laing nasud.
Ang 134 years old nga Immaculate Conception Parish ang gipreserba ug gikonsiderang National Cultural Treasure sa nasod. Daghan pa sa tourism sites ang hinay-hinay na nga nagbalik og bukas human sa unos sa pandemya apan hangyo sa Information Officer sa DOT-10 nga si Abiguil Viguella nga kung mosuroy pilion kadtong mga tourist spots nga accredited sa Dot aron masigurong trained ang mga personahe ug excellent ang serbisyo.