Kahapsay ug kalinaw namintinar sa MisOr
Atol sa nahitabong Taho sa Katawhan o State of the Province Address niadtong Enero 10, 2022, gipahinumdom ni Gobernador Bambi ang iyang kaagi kauban iyang amahan nga si Dongkoy Emano.
“At a very young age I was exposed already to work for peace and order. My dad was the peace-maker. They call him the peace-maker. Wala man gyud makab-ot na kalambuan kung bukas ang armas, kinahanglan lang jud sa lamesa.” dugang ni Gob na iyang dakong natun-an sa iyang amahan isip giila nga The Peace-maker.
Gipasigarbo ni Gobernador Bambi ang pipila ka mga kalampusan sa niaging 9 ka tuig sa iyang pagdumala isip amahan sa probinsya sa Misamis Oriental.
Lakip niini ang pagsalig sa PNP ug AFP kaniya isip tigpataliwala sa mga sa mga walhong grupo sa CPP-NPA kaniadto.
Apil ang pagpabalhin ug pagplastar sa mga namuyo sa Lugait niadtong nahitabong kagubot atol sa pagdemolish sa ilang panimalay.
Gipasalamatan usab ni Gobernador Bambi ang Sangguniang Panlalawigan kalabot sa Ordinance No. 1512 s2021 kung asa nahimong regular nga departamento sa probinsya ang Misamis Oriental Provincial Jail (MOPJ).
Lakip usab sa mga programa nga napatuman sulod niini ning gisagubang ang pandemya sama EDalaw ug Ehearings alang sa mga piniriso.
Dugang nga gipasalamatan ni Gobernador Bambi ang mga nagkadaiyang ahensya ug sector nga ginatutukan ang pagsiguro sa kahapsay ug kalinaw sa lalawigan.
Ang mga armadong kusog sa Rehiyon, kapulisan ug uban pang ahensya makatestimonya kon unsa ka epektibo ang pagdumala ni Gobernador Bambi Emano human sila mismo nakadawat sa nagkalain-laing suporta gikan niini aron masiguro lang nga mamintinar ang kahapsay ug luwas ang katawhan sa Misamis Oriental.| Jessie A. Andallasa/MisOr PIO
