PIO MISOR MALAMPUSON ANG PAGPAHIGAYON SA QUARTERLY ASSESSMENT SA DAVAO
BY
STEPH BERGANIO
UNANG higayon nga out of town nga gipahigayon sa Misamis Oriental Provincial Information Office ang ilang Quarterly Assesment alang sa tuig 2022.
Gipahigayon kini adlaw nga Biyernes ngadto adlawng Domingo Marso 18 ngadto Marso 21, 2022 didto sa Samal Island ug Davao City.
Gibutyag ni Ms. Jinky Rosit ang Provincial Information Office Head nga gikinahanglan sa 30 kapin ka mga empleyado sulod sa departamento nga magkahiusa ug magplano sa angayan nga buhaton aron mas mapalambo pa ang ilang pagpanarbaho.
“Actually dugay na gyod ni nga plano sa PIO nga mopahigayon, first time nga nakapahigayon mi sa among assessment ug nagpasalamat mi ni Governor Bambi Emano tungod kay iya gyod nahatagan og katumanan kining dugay na nga damgo sa PIO,” matud niini.
Tumong sab niini nga masayod siya isip ulo sa buhatan kung anaa pa ba gihapon ang willingness sa mga empleyado diha sa ilang pagpanarbaho lakip ang pagkuha sa ilang mga ideya, yangongo ug uban pa nga angayan mahibaloan sa tanan.
“Among purpose nganong gipahigayon ang assessment para masayod mi kung kumusta na ang dagan sa PIO sa first quarter, unsay kakulangon, direksyon ug unsa paman among tumong sa among opisina labina karon nga usa nami ka department gusto namo mag share mi sa among ideas para mahibaloan namo kung okay paba atong mga empleyado atong mga staff ganahan pa ba sila manarbaho, unsa ilang mga yangongo nga atong matubag,” dugang ni Rosit.
Gibutyag sab niini nga gipili usab nila nga layo nga dapit aron sab nga makahigayon sa paghuna-huna, relax ang mga kawani hilabina nga ang ilang buhatan ang usa sa pinaka busy nga buhatan sa Kapitolyo Probinsyal.
“Duna man gud mi mga plano nga daghan pa so kinahanglan namo ni nga activity para dinhi mi mahibalo para unsa ang among sunod nga pagabuhaton sa umalabot adlaw para mas mapalambo pa nato ang amoang buhatan. Sa dugay na katuigan ang pio staff wala pa nahatagan og time kami sa PIO busy kaayo ug nakita nako ang ilang need nga kailangan panagsa maka relax mianhi mi sa layo naexplore para pod atong empleyado once makagawas makafeel sila sa importansya sa ilang pagpanarbaho,” sulti niini.
Gipasalamatan usab ni Rosit si Governor Emano sa pagtugot niini nga kalihokan sa kasaysayan sa PIO.
“Gov, in behalf sa PIO family daghang salamat kay finally imo gyod gi approved kining maong aktibidad, usa lang atong katuyoan nga mas mapalambo ang pagahtod serbisyo sa katawhan sa Misamis Oriental. Kining among gihimo Gov, usa lang ni sa pamaagi nga atong ma-assess gyod ang kapasidad sa PIO so salamat kaayo,” dugang ni Rosit.
Bag-ohay lang nahimong usa ka departamento sa Kapitolyo ang buhatan sa PIO ug isip bag-ong Head niini gipaabot ni Rosit nga sa nahibiling tulo ka bulan iyang mas palapdan pa ang paghatod ug mga insaktong inpormasyon ang mga programa ug serbisyo nga gitunol sa panggamhanang probinsya.
“Sayod
man ta kanang tulo ka bulan daghan pa pwede mabuhat ana, kami sa PIO padayon
namo ipromote ang mga programa ni gov ug ipaabot sa katawhan unsa ka epektibo
agresibo unsa kanindot ang administrasyon ni Gov, the people needs to know, the
public needs to know,” panapos niini.
(photos by steph berganio)