'Food crawl serye' bida sa DOT-Region 10 sa Food month celebration
By: Aileen Mae Redosendo/USTP Intern
GISAULOG sa Department of Tourism Region 10 ang Food Month Celebration karon tuig 2022.
Ang selebrasyon niing tuiga usa sa pinakamakasaysayanon human ilang kaabag sa promosyon niini ang Hello CdeO ug Explore Cagayan de Oro.
Sulod nini, aduna silay upat ka kategorya alang sa gitawag og Food Crawl serye nga makita sa Department of Tourism Region 10 official social media accounts kon diin magsugod kini sa ikaduhang adlaw kauban usab niini ang City of Golden Friendship.
Ang unang kabanata gitawag og Homegrown Dishes nga nahitabo niadtong Abril 3, 2022 sugod sa alas onse sa buntag.
Ang Ikaduha nini mao ang 'Kagay-anon Sweets' nga mahitabo karung Abril 10, 2022 sa alas onse sa buntag.
Ang Ikatulong hugna mao ang CDO Drinks and More nga ipahigayon sa Abril 24, 2022 oras sa onse sa buntag.
Ang ika upat gitawag og Halal Food nga mahitabo usab sunod bulan sa Mayo 1, 2022 sa alas onse gihapon sa buntag.
Kini tanan nga mga pagsaulog makita live sa tanan facebook page sa Department of Tourism Philippines, Hello CdeO, NiKi TV ug sa Owen Online.
Source: Department of Tourism- Northern Mindanao Official Facebook Page