4 KA MGA LIDER SA NPA PATAY SA ENGKWENTRO SA BUKIDNON
BY
STEPH BERGANIO
DUGOUN ang panag-engkwentro nga natigayon tali sa mga miyembro sa New People’s Army ug pwersa sa 1st Special Forces Battalion ubos sa Task Force Peacemaker, 403Bde, 4ID, Philippine Army mga alas 5:30 sa hapon Abril 6, 2022 sa Brgy. Tikalaan, Talakag Bukidnon human upat ka mga gitouhang lider sa walhong grupo ang nakalas ang kinabuhi.
Ang mga mga napatay nga giingong mga high-ranking leaders giilang sila Carlisio D. Sumalinog, Jovilito D. Pontillas, Gary I. Juliana, ug Jelly A. Sugnot nga nakuhaan usab og 16 ka mga high-powered firearms nga gilangkoban sa pito ka mga M16 rifles, us aka M203 Grenade Launcher, duha ka R4 carbine rifles, usa ka M653 Rifle, tulo ka M1 Garand Rifles, usa ka AK47 Rifle ug laing usa ka M14 Rifle.
Gipasalamatan ni Major Gen. Wilbur C. Mamawag, ang Commander sa 4ID ang tanang tropa sa nga nakig-engkwentro sa walhong grupo gumikan hingpit na nilang makab-ot ang tinguha nga mapukan ang walhong grupo sa dili pa matapos ang termino ni Presidente Rodrigo Duterte.
Ang komunidad ang giingong yawi nga nahibaloan sa grupo sa kasundalohan ang presensya sa walhong grupo ug kini bunga sa programang Task Force to End Local Communist Armed Conflict (ELCAC).
Susama usab sa gihimo kaniadto sa mga sibilyan nga ilang gi-report ang presensya sa lider sa walhong grupo nga si George Madlos, Pedro Codaste, Loida Magpatok, ug Ramil Banawan sa Bukidnon nga napatay usab sa doguon nga engkwentro.