KALALAKIN-AN GIABISOHAN SA POPCOM NGA MOLAMBIGIT SA PAGPLANO SA PAMILYA
GIBUTYAG ni Philippine Commission on Population (Popcom)-10 Regional Director Neil Aldrin Omega atol sa bag-ohay lang nga Talakayan sa PIA-10 nga panahon na nga mopartisipar ang kalalakin-an sa pagplano sa pamilya nga dili mamabdos deretso ang ilang mga asawa.
Ang family planning method nga condom ug vasectomy sa kalalakin-an ang dili kaayo gamit ug panahon na nga mokooperar ang kalalakin-an ug dili lang tanan isalig ngadto sa kababayen-an.
"If we really love our wife kita napod ang mag practice using this method nga vasectomy." matud ni RD Omega.
Sa umalabot April 18 adunay libreng vasectomy nga ipahigayon sa Jr Borja Hospital sa Cagayan de Oro City ug giaghat ang kalalakin-an nga pahimuslan kini nga oportunidad.
Lakip sa gibatbat sa POPCOM-10 ang misconception sa mga family planning methods lakip na ang walay kamatouran nga sulti-sulti nga ang pills giingong makadaot kay gapundo sa lawas sa babae.
