8 ka miyembro sa NPA nanurender, hide-out sa mga armas nadiskubre sa Bukidnon
Walo ka Miyembro sa New Peoples Army ang nadis-armahan ug misurender ngadto sa 1st Special Forces Battalion (1SFB) niadton Enero 3, 2023 diha sBrgy. Mirayon, Talakag, Bukidnon.
Ang maong grupo gikareport nga miyembro sa Platun IPAD sa Sub Regional Command 5, North Central Mindanao Regional Committee.
Human nabati sa 1st Special Forces Battalion ang rebelasyon ning maong grupo ilang nadiskubee ang pito ka mga high powered firearms sa nagkalain laing dapit sa nasangpit nga barangay.
Ang pagpanurender sa walo ka miyembro sa walhong grupo resulta sa intelligence ug psychological operations nila ni Captain Genesis B. Gutierrez, Company Commander sa 2nd Special Forces Company ug Captain Mario Anton B. Tamayo, Company Commander sa 3rd Special Forces Company.
Ilang gironda ang duha ka mga hideout sa walhong grupo diha sa KM24, Brgy. Tikalaan, Talakag, Bukidnon nga miresulta sa pagkadiskubre sa upat ka mga high powered firearms sama sa Rifle, M14, Assault Rifles, AK 47s, IED, Magazine Assembly, ammunition, electric wires, ug nagkalain-laing medical supplies.
Nasakmit sab sa Special Forces Team nga gipangunahan ni Captain Gutierrez ang laing tulo ka high powered firearms, mga buhing bala, ug nagkadaiyang dokumento diha Sitio Salsalan, Brgy. Miarayon, Talakag, Bukidnon.
Matud ni Lieutenant Colonel Roger Anthony Nuylan Jr., ang Battalion Commander sa 1SFB nga iyang gidayeg ang kadasig sa walo ka miyembro nga mibalik sabakan sa gobyerno.
Ilang gipasalig nga ang mga nanurender makadawat og nagkadaiyanh tabang ug programa gikan sa gobyerno.
“You made the right decision to abandon the communist ideology and to peacefully surrender to the AFP. We are ready to assist you in availing the socio-economic programs and livelihood assistance prepared by the government." sulti ni LC Nuylan Jr.
Sa iyang bahin sab ni Colonel Red B. Dumosmog, Acting Commander sa 403rd Infantry Brigade, 4th Infantry Division iyang gibutyag nga ipaubos og custodial debriefing ang walo ug iproseso nga legal ilang mga papeles aron pormal ang ilang pagbalik sa sabakan sa gobyerno. Kalipay sab nga ilang gidawat ang ilang pagpanurender ug nanghinaot nga unta kadtong nagpabiling anaa sa kabukiran mosunod na sa ilang mga lakang.
“These rebels have finally realized that they have been fighting meaninglessly for a hopeless cause which only brought them worthless sacrifice and bloodshed to the lives of the innocent civilians caught in crossfires. We will help them start new lives and protect them in every way we can from the hypocritical leaders preaching the poisons of communist ideology.” panapos nga sulti niini. (Photos courtesy 4ID)