DRIVER SA MOTORSIKLO NAPISAT ANG ULO HUMAN NALIGSAN!
February 5, 2023 at 4:11 pm,
No comments
By Steph Berganio
Si Police Major Arnold Gaabucayan, hepe sa Balingasag Police Station miila sa biktimang driver nga mao si Dennis Daquis Restar, 24 anyos, ulitawo, residente sa Kitao-tao Bukidnon.
Samaran usab ang backrider niini nga giilang si Annie Rose Barros Gabas, 23, dalaga, taga susamang dapit ug karon gidala sa MOPH Balingasag.
Sa inisyal nga imbestigasyon sa kapulisan nasuta nga sakay kini si Restar ug Gabas sa motorsiklo nga nagdala sa plaka 624KDO.
Susama ilang direksyon sa Truck Fuso, Prime Mover nga gimaneho ni Artemio Moreno Acedilla Jr., 32 anyos, taga Talusan, Balingasag, Misamis Oriental.
Pagdangat sa dapit nga nahitaboan nasutang miovertake ang motorsiklo sa primemover apan tungod sa dili tupong ang dalan misemplang kini ug napaingon ang motorsiklo ug driver ilawom sa primemover hinungdan maayong pagkaligis sa truck.
Patay diha dayon ang biktimang driver samtang angkas niini gidali og dala sa ospital.
Ang driver sa truck ug sakyanan naa karon gikostudya sa Balingasag Municipal Police Station.
Kanunay nga naghangyo karon si MisOr Police Provincial Director Police Colonel Gonzalo Villamor nga magbinantayon ug tumanon ang balaod trapiko aron walay kinabuhi nga makalas.