GITOUHANG "DRUGLORD" NAPATAY SA OPERASYON!
February 6, 2023 at 4:16 pm,
No comments
By Steph Berganio
NAPATAY sa operasyon ang gitouhang druglord atol sa hiniusang operasyon nga gikasa sa Philippine Drug Enforcement Agency Lanao del Norte diha sa Barangay Kakai Renabor, lungsod sa Tubod, Lanao del Norte niaging mga adlaw.
Pabilin pa karon nga gitago ang identipikasyon sa nasangpit nga suspek.
Giingong atol sa operasyon nakamatikod ang suspek sa presensya sa mga operatiba ug nisuway sa pagsibat. Giingong misukol kini ug nakigpinusila sa mga pulis rason nabaslan nga maoy hinungdan nakabsan sa kinabuhi.
Gibutyag ni PDEA 10 regional director Jigger Montellana ilang gikoordinar ang uban ahensya lakip PNP human niguwa sa ilang monitoring nga lapad ang gilihok niini sama sa Lanao del Norte, Lanao del Sur, Cdo ug Iligan City.