ILEGAL NGA DRUGA GIPAKIGBATOKAN SA KAGAMHANAN SA MISAMIS OCCIDENTAL
HUGOT nga gimando karon ni Misamis Occidental Governor Henry Oaminal ngadto sa Philippine Drug Enforcement Agency (PDEA), nga mahimong agresibo sa pagpakigbatok sa ginadili nga druga ug dili magkumpiyansa.
Laraw karon sa lalawigan nga mahimong zero sa druga ang probinsya.
Giluwatan kini ni Governor Oaminal atol sa
Provincial Peace and Order Council (PPOC) ug Misamis Occidental Provincial Anti-Drug Abuse Council (MOPADAC) meeting sa Asenso Misamis Occidental Sports and Cultural Center.
Gikan Enero ngadto Disyembre ang PDEA MisOcc Assistant Provincial Officer nga si Agent Patricio S. Alerta, Jr. nga mokabat 11 ka buy-bust ug high-value operations ang gipahigayon kon diin arestado ang 11 ka personalidad. Samtang tulo sab ka drug den napuhag kon diin 16 ka mga drug personalities ang arestado.
Dugang sa PDEA nga main source sa
shabu sa Misamis Occidental nagikan sa Lanao del Norte basi sa impormasyon nga nakuha gikan sa mga dinakpan samtang giingong an majijuna nakuja gikan sa Luzpn p pinaagi sa online sales ug commercial couriers ug Bukidnon via land trip.
Gipresentar sab ni Alerta nga mokabat 417 barangays ang drug cleared, 20 barangays sab gideklarar nga drug-free, samtang ang 53 nga nahibilin barangays sa tibouk probinsya ang laumang ideklarar.
Ang unom ka mga cleared municipalities gilangkuban sab sa Bonifacio, Concepcion, Lopez Jaena, Panaon, Don Victoriano, ug Tangub. Samtang ang cleared barangays sa Plaridel ug Jimenez Town ang provisionally declared.
Mokabat sab sa lima ka Balay Silangan Reformation Centers ang ga-operate sa probinsya diha sa Bonifacio, Clarin, Oroquieta, Plaridel, ug Tangub City.