DILG SECRETARY ABALOS NAGMANDO SA PRO 10
GIBISITAHAN ni Secretary of the Interior and Local Government (SILG) Benjamin Abalos ang lalawigan sa Misamis Oriental atol sa "Buhay Ingatan, Droga’y Ayawan" (BIDA) program nga gilunsad sa Police Regional Office 10.
Una niini iyang gipasalamatan ang pwersa sa kapulisan sa rehiyon lakip lokal nga kagamhanan sa pakigbatok sa kriminalidad ingon man ginadili nga druga.
Dugang niini iyang gihangyo ang kooperasyon sa tanang ahensya sa gobyerno nga mopartisipar sa national nga adbokasya sa pakigbatok labina sa ginadili nga druga.
Mensahe kini ni SILG Abalos atol sa gilunsad sa Police Regional Office (PRO)-10 BIDA Roll-out and Caravan nga kabahin sa PNP’s revitalized Kapulisan, Simbahan, at the Pamayanan (KASIMBAYANAN) program.
Liboan ka mga katawhan gikan sa nagkalain laing ahensya ang misalmot aron mahimong kabahin sa dakong programa kon diin sila naglambigit usab sa mga giandam nga kalingawan sama sa motorcade caravan, fun walk, bike ride, ug Zumba.
Gimando sab ni SILG ngadto sa kapulisan ug PDEA nga arestuhon ang mga drug peddlers bisan paman kini sila mga high-profile personalities.
Dugang niini nga maangkon lamang ang kalampusan kon mopartisipar ang katawhan diha sa mga anti-illegal drug activities, pag edukar sa publiko sa dautang epekto sa druga ug pagpapha sa drug addiction sa komunidad.
Bout usab ni PRO 10 Regional Director PBGen Lawrence B. Coop nga tapuson na ang problema sa druga lakip korapsyon sa nasud ug unta dili kini mao ang ugat sa mga institusyon nga maoy mohupot sa renda sa pangagamhanan.