TRABAHANTE NGA WALAY NADAWAT NGA BENEPISYO GIAKSYUNAN SA DOLE-10

February 14, 2023 at 6:29 am, No comments

By Steph Berganio

ANG Department of Labor and Employment (DOLE)-10 Cagayan de Oro City Field Office, sa pagpanguna ni field Director Emmanuel G Toledo, mitubag sa problema sa pagpanagrbaho pinaagi sa Single Entry Approach (SEnA) mechanism ngadto sa mga nagkalain-laing online Requests for Assistance (RFAs) nga gilambigitan sa mga nagkalain laing problema sa pagpanarbaho sa nagkalain laing establismento sa siyudad.

Lakip niini ang wala paghatag sa 13th month pay, underpayment sa sweldo, claims sa separation pay, ug uban pang monetary ug social benefits nga giduso sa 14 ka trabahante.

Mokabat 14 sab sa nagkalain-laing RFAs ang gihandle ug paspas nga giaksyunan sa Single Entry Approach Desk Officers (SEADOs).

Matag isyu ang naaksyunan kon asa nadawat na ngadto sa 14 ka trabahante ang mokabat P74,238.85 nga mga claims ug benepesyo alang kanila.

Ang SEnA usa ka administrative approach nga mohatag og speedy, impartial, inexpensive, ug accessible settlement procedure alang sa mga isyu sa pagpanarbaho labina ang dili patas nga paghatag benepisyo sa mga trabahante sa ilang gitrabahoan.

TRABAHANTE NGA WALAY NADAWAT NGA BENEPISYO GIAKSYUNAN SA DOLE-10

No comments

Leave a reply