Ang Birhen nga gibantog nga gamilagro sa Misamis Oriental
Unsa ang imong kasinatian diring dapita?
USA ka lungsod sa lalawigan sa Misamis Oriental ang gadagsaon sa katawhan gikan sa nagkalain-laing dapit gumikan nabantog nga milagroso.
Dili lang maanindot nga atraksyon ang gibalik-balikan sa mga turista diri sa Probinsya sa Misamis Oriental apan naila ang lalawigan sa kadaghan ug sikat nga mga faith tourism site .
Ang lungsod sa Binuangan, Misamis Oriental ilado tungod sa mga rebelasyon nga gamilagro ang Mahal nga Birhen sa Lourdes.
Giingong niadtong tuig 1930s gisugdan ang pagtukod sa kapilya sa Brgy. Poblacion sa lungsod ug sugod niadtong panahuna ubay-ubay na ang gabisita sa lugar.
Dinhi nila nadiskubre sa hinay hinay nga ang Mahal nga Birhen gamilagro nga gakamatikdan sa pinili ra usab nga mga tao.
Sa pagkakaron mas gipadako pa ang katukoran sa simbahan ug gipatsada ang palibot kay nalakip na kini sa bucketlist sa mga domudoung ug kanunay na nga gadagsaon.
Ang birhen sa Lourdes gituohang gapakita og milagro hilabina gadunggon ang sinsero nga nga pag-ampo, gatambal sa mga adunay balatian ug giingong magpakatao aron proteksyonan ang maong Lungsod basi sa mga nagkadaiyang rebelasyon.
Tradisyon sa mosulod sa simbahan mao ang pagpatong sa karaang imahe sa birhen sa Lourdes ngadto sa ulo sa mga buot magpa ampo ug magpasalamat.
Abunda sab og tubig gikan sa usa ka tubod ang palibot sa simbahan nga lakip sa gibantog nga makatambal sa mga masakiton makahupay sa gibati kung imnon.
Ubay-ubay ang gadayo ug gakaligo dinhi kay limpyo ug giingong makagaan sa gibati.
Tungod kay gidagsa kini sa katawhan gikan sa nagkadaiyang lugar nagama ang lokal nga kagamhanan og mga cottages sa palibot aron nga magamit sa mga bisita ug makabonding sab sa ilang pamilya.
Human maghalad og pag-ampo ug pagpasalamat, pwede gilayon magbonding ang pamilya mga duol sa shrine ug dinhi mamahimong mangaligo, mangaon ug mag enjoy sa relaxing nga view sa palibot sama sa pagsaksi sa sunset ug sunrise.
Matag Sabado sa alas 10:30 sa buntag gapahigayon og healing mass ang Lourdes Shrine kon diin dinhi gawas ug sulod ang mga deboto hilabina kadtong buot magpatambal sa sakit, pagpagiya nga molampos sa mga eksaminasyon ug uban pa nga mga hangyo nga gisaligan sa mga deboto nga mahitabo.
Sa pagkakarun, bisan paman sa atong nasinating kalisud dala sa hulga sa makamatay nga Covid 19 mahimo gihapon nga mobisita sa lugar apan adunay gipatuman nga striktong gabayan sa pagsul-ob sa facemask, faceshield ug pagobserbar sa social distancing.
Photo and text courtesy: Jez Ecuazion and Clariss Enterina| MisOr PIO