Hilig ka ba og adventure? Ug dili dali mo surrender? Stress apan gustong mo distress? Perfect para kanimo kining camping site sa MisOr nga karon maoy atong e-explore!

Dili mabangbang ang kanindot sa view niining camping site nga sayon ra matultulan kay makita lang sa Lungsod sa Tagoloan.

Kung hilig nimo ang mag adventure, adtoun ta ang Sebus Haven nga makita sa Brgy. Rosario. 

Pahinumdum lang sa imung pagsaka, amping lang kay moagi kag pangason nga dalan nga medyo lisud gyud agian apan mabawi ra kini ug dili nimo kamahayan tungod kay sa imong pag-abot imung makit-an ang talagsaon nga view nga imung gikahinaman nga maabtan.

Adunay 20 pesos nga hangyo sa imuha isip entrance fee kini tabang aron padayon nga mamintinar ug magpabilin nga limpyo ang lugar.

Andama na dayun imung dala nga camera kay maglibog gyud ka asa mo-awra! ug siguradong malingaw ka sa imung mga hulagway nga ang background hastang nindota!

Presko nga hangin imong matagamtagaman diring dapita ug bation gihapon ka og katugnaw bisan og nakajacket ka!

 Pwede kaayo sa Sebus haven ang mag camping o ba kaha sa barkada mag jamming-jamming. 

Dili mabalaka kung magabin-an ka, tungod kay adunay rooms nga sulit sa bulsa, 300 pesos lang maka relax ka na!

 Hangyo lang sa management nga ning nagsagubang ta karon sa pandemya subayon gyud ang ilang gipatuman nga mga gabayan sama sa pagsul-ob og facemask ug pagsunod sa physical distancing aron mapanalipdan ang tanan sa makamatay nga Covid 19.

Dili nato ikalimod nga dinhi sa Misor sukad si Gobernador Bambi Emano ang milingkod naila na sa tibouk kalibutan ang lalawigan. Kay ubos sa iyang pamunoan ang turismo wala gyud niya gipasagdan, iyang gitukhan ug karon dako na kaayo ang kalamboan.

Dili babag ang pandemya aron ipadayon nga mapalambo ang turismo, ang kagamhanan sa lalawigan padayon sa pagpaningkamot nga mas mapaila pa sa tibouk kalibutan ang maanindot ug tagong hiyas nga makita dinhi sa lalawigan. |Clariss Enterina|MisOr PIO