Symphony of Lights sa CdeO gadagsaon
December 19, 2020 at 10:09 am,
No comments
By Chyrel Macale CariagaGADAGSAON sa katawhan matag gabii ang christmas attraction sa Cagayan de Oro City.
Masaksihan matag gabii ang ‘Symphony of Lights’ kon Christmas Lights Show diha sa Cagayan de Oro City Hall.
Adunay nagkalain laing kolor sab sa christmas lights nga masaksihan sa palibot sa Gaston Park ug St.Augustine Church ug naghatag lingaw sa katawhan ang dancing fountain sa palibot.
Atraksyon usab ning kapaskohan ang hatod sa Colorful lights diha sa Ysalina Bridge nga niadtong bulan sa Pebrero gipasiga.
Ang maong mga ‘Christmas attraction’ makita matag gabii gikan sa alas 6 hangtod alas 10 sa gabii.
Ngani man atol sa bag ohay lang nga pagpasiga niini nanghinaot si Cagayan de Oro Mayor Oscar Moreno nga taliwala sa pandemya nga giatubang sa tanan, masaulog gihapon sa katawhan ang kapaskuhan isip hiniusa nga komunidad.
Makita sa publiko ang ‘Symphony of Lights’ sa tibuok bulan sa Disyembre ug sa umaabot nga pagsaulog sa Chinese New Year.
Aduna usab nakabantay nga mga marshals aron masiguro nga ang mga katawhan samtang naglingaw lingaw sa palibot masiguro nga sila padayon nga nagsubay sa insaktong mga gabayan alang sa padayon nga pakigbatok sa Corona Virus Disease (Covid-19).
Photo Jomar Figuracion| CIO