Naawan, Initao ug Binuangan big winner sa Kuyamis Booth
January 8, 2021 at 5:09 pm,
No comments
By Steph Berganio
IYAHAY sa pagwapuhay ug pabonggahay ang mga kalungsoran ug siyudad sa ilang Kuyamis Booth nga usa sa highlights sa kasamtangang giselebrar nga Kuyamis Festival sa Misamis Oriental.
Gumikan sa pandemya unang higayon sa kasaysayan sa kalihokan nga ang ika walo ka tuig nga selebrasyon ang Kuyamis Booth wala gidala sa hawanan sa Kapitolyo apan didto lamang sa ilang lungsod gipahimutang ug ang mga hurado na ang mobisita niini sa kalungsoran.
Matud ni Governor Bambi Emano nga tsansa sab kini sa mga parokyano sa lungsod nga masaksihan ug makita ilang gipasigarbo nga Kuyamis Booth.
Matud ni Provincial Tourism Officer Atty. Jeffrey Saclot nga 16 ka mga booth ang magtigi sa titulo nga Best Kuyamis Booth ug aron makab-ot kini nga title adunay mga kriterya nga angayan sundon sa mga partisipante sama sa Aesthetic value nga 35%; Exhibit Display and Physical Arrangement nga 40%; Availability of Information sama sa LGU profiles and product services nga 10%; Exhibit Personnel nga 10% ug Cleanliness and Orderliness nga 5% nga mo sumatotal og 100%.
Ang first Judging gihimo niadtong December 28 ngadto December 30 kon diin ang mga hurado gilangkoban nila ni DOT 10 Regional Director Marie Elaine Unchuan, Architect Maria Linda Escaba sa United Architects of the Philippines; Mr. Joseph Arao-Arao gikan sa Provincial Engineering Office.
Ang Second Judging o final judging gihimo niadtong January 5 ngadto January 7 kinsa ang mga hurado gilangkoban nila ni Davao del Norte Provincial Tourism Officer Dr. Noel Daquiaog ; Davao de Oro Provincial Tourism Officer Ms. Christine T. Dompor; ug Municipal Tourism Officer of Tiboli South Cotabato Mr. Rodel Hilado.
Atol sa closing and awarding ceremony Enero 8, 2020 gideklarar nga mananaog o Best Kuyamis Booth ang lungsod sa Naawan nga nagbitbit og P200,000 nga premyo; 2nd place ang lungsod sa Initao nga dunay P150,000 nga premyo ug 3rd Place ang lungsod sa Binuangan nga adunay P100, 000 ang premyo.
Photo courtesy Explore MisOr