By Steph Berganio

Garbo gikan sa lungsod sa Jasaan Misamis Oriental ang miangkon sa titulong Miss Kuyamis 2021. 

Ang pambato nga si Dannah Joy R. Tempra maoy niuli sa korona, tropeyo ug cash prize. 

Miangkon sab kini og minor awards nga Best in Gown; Corporate Awards nga Miss Beauty Wise. 

Gipabilib ni Dannah ang mga hurado sa iyang tubag sa pangutana.

Ang 1st Runner up mao si Katheryn Tan Guipetacio sa Sugbongcogon 

2nd Runner up si  Princess Nicole B. Segundo sa Naawan 

3rd Runner up mao si Angeliza L. Navajo sa Claveria kinsa miharbat sab og Minor Award nga 

Best in Kuyamis inspired Cocktail Attire ug Best in Swimsuit. 

Ang 4th Runner up mao si Aylssa Marie Cordova sa Gitagum nakadawat sab og Special Award nga Most Photogenic. 

Wala man mipasok sa Top 5 apan nahimong Best in Closed-door Panel Interview si Phoebe Jel Agocoy sa Balingasag; Miss Le Rouge Salon and Spa si Leah Belle S. Acas sa Salay ug si Miss Krisha Mauren Edrozo sa Lugait maoy Miss Congeniality. 

Ang bag-ong Miss Kuyamis nagdala sa premyo nga P50,000 samtang tanan mga kandidata nga misalmot adunay tag P5,000 nga allowance ug P10,000 alang sa ilang sa ilang Kuyamis Cocktail Inspired Attire. 

Ang aktor nga si Derrick Monasterio maoy nagsilbing host ug si Miss Universe Philippines 2020 Top 16 Finalist, Caroline Veronilla nagailbing Correspondent.  

Nagsilbing hurado sa prestihiyosong kompetisyon sila Miss Philippines Earth 2013, Angelee Claudett delos Reyes; Miss Globe 2019 2nd Runner-Up, Leren Mae M. Bautista; Man of the Year 2016, Karan Singhdole; Mister Model Worldwide 2018, Carlo Pasion; ug 

Renowned Fashion Designer, Manny Halasan. 

Gipasalamatan ni Misamis Oriental Governor Bambi Emano si Atty Jeffrey Saclot nga dako og kabahin ug luyo sa kalamposan sa kompetisyon ug dugang niini dili makababag ang pandemya nga giatubang karon aron dili ipromotar ang turismo sa Misamis Oriental.