LABING UNANG TOURIST REST AREA SA MINDANAO ABLI NA SA MGA TURISTA
By Steph Berganio
GIPANGUNAHAN mismo ni Department of Tourism Secretary Christina Garcia-Frasco ang pagbukas sa labing unang Tourist Rest Area sa Mindanao nga nahimutang sa Manolo Fortich, Bukidnon.
Agusto 4, 2023 midangat sa Bukidnon ang Secretary aron ipaabot sa katawhan nga natuman na ang usa sa flagship program sa buhatan kon diin ang vision niini mao ang paghatag og konbenyente, komportable nga kapahulayan ang mga turista nga gabiyahe.
“It feels me with great joy to be back in the beautiful province of Bukidnon, to fulfilled the promise of our President, Ferdinand Bongbong Marcos Jr. to give tourism development priority under his administration invest in infrastructure, connectivity, innovation, digitalizations, and most of all to conceptualize tourism opportunities,” mensahe ni Secretary Frasco.
Ang Tourist Rest Area adunay coffee shop, pasalubong and souvenir store nga ang mga baligya gama ug prudokto sa lokal. Duna sab tourist information area, charging station ug labaw sa tanan comfort rooms alang sa babae ug lalaki lakip PWDs ug adunay lactating room sa mga gapasuso nga mga turista nga inahan.
“Ang tumong ug tinguha sa atong presidente mao nga mahatagan og higayon ang atong mga kaigsuonan Pilipino nga makabenepisyo gayud sa turismo ug ubos sa atong mandato sa DOT, wala nato gilimit atong kaugalingon sa pagsuporta sa mga sikat na kaayo nga mga tourism destination apan pinaka importante nahatagan nato ug suporta, development and promotions ang atong emerging tourism destination” dugang pagpasabot niini.
(Photo by Steph Berganio)
Sa tibouk nasud adunay 15 ka mga tourist rest area na gitakdang itukod ug labing una lamang kini sa giinagurahan ug giblessingan ang nahimutang sa Manolo Fortich.
Ang katukoran sa TRA naglambigit sa tripartite arrangement tali DOT nga maoy mag-monitor ug mo-evaluate sa proyekto, Tourism Infrastructure and Enterprise Zone Authority (TIEZA) nga maoy gitahasan nga mohatag pundo ug katukoran balor P7 milyones, samtang ang lokal nga panggamhanan sa Manolo Fortich maoy gitahasan sa adlaw-adlaw nga operasyon ug pagmintinar sa kalimpyo sa lugar.
“I will see to it that this will be best manage rest area sa atong lalawigan.” pasalig ni Mayor Rogelio Quiño sa Manolo Fortich kinsa kumpiyansa ug dako og pagtoo nga nakita sa DOT nga potensyal ang lungsod sa tourism destination.
“Pasalamat ko ni Secretary Frasco nga pinalangga gyod kaayo niya ang Manolo Fortich, kay una giinagurahan ang atong tourist rest area sa tibouk Pilipinas, dako kaayo og kaayohan nga dunay rest area para sa atong turista nga dunay insaktong kapahulayan, maayo nga CR ug makatilaw sa atong prudokto,” dugang niini.
Matag bulan motala ang Manolo Fortich og 6,000 ka turista ug gikalipay kini sa mayor nga ubay-ubay ang gasaka sa lungsod, lakip sa gipaniguro niini nga dunay ordinansa nga enviromental fee aron matabangan sa mga turista ang pagmintinar sa kalimpyo sa lungsod.
Lakip sa mga top tourist destination sa lungsod mao ang Kampo ni Juan, Alomahs Place and Nature Farm, Del monte Pineapple Plantation and Camp Phillips ug Dahilayan Adventure and Forest Park.
Gipaabot sab ni Mayor Quiño nga daghan sila og plano sa lungsod usa niini nga mahimong siyudad lakip ang pagpalambo pa sa turismo sa lungsod nga gakalimitan gumikan sa kakulang sa pundo sa lungsod.
“We ambition so many tourist destinations pero mao lagi na ang kwarta sa Manolo Fortich dili man ingon ana kadako but we slowly hinay-hinayan nato og develop atong tourism destination.” positibong pamahayag niini.
Panawagan karon ni Mayor Quiño sa katawhan sa Manolo Fortich, nga imintinar ang kahapsay ug kalimpyo sa lungsod ingon man ang maayo ug maabi-abihon nga pagdawat sa mga turista aron mas modagsa pa ang mga domudoung.
Ang kalihokan gitambongan ni Bukidnon Governor Rogelio P. Roque ug 1st District Congressman Jose Manuel Alba ug 4th District Congresswoman Laarni Roque, kinsa gipasalamatan ni DOT Secretary Frasco nga naningkamot sa lalawigan nga mas mapalambo ang turismo ilang lungsod.
“In 2023 alone, infrastructure project ubos sa partnership sa DPWH, we have on going and have been completed 158 kilometers of tourism roads and with the hardwork of your Governor and Congressman, you can expect more develop tourism roads in Bukidnon.” pasalig ni Secretary Frasco.
Lakip sa mitambong sa ribbon cutting ug turn-over rites sila TIEZA chief Operating Officer Mark Lapid, DOT Undersecraties Shalihmar Hofer Tamano ug Ferdinand Jumapao, Manolo Fortich Vice Mayor Reynaldo Bagayas Jr., ug DOT Region 10 Regional Director Marie Elaine Unchuan.
Dungan sa kalihokan, girekognisar ni Secretary Frasco ug gi-award ang Kalasanen Mountaineering Club sa ilang paningkamot sa community based tourism sa munisipyo ug probinsya.
Samtang mokabat 15 ka mga DOT accredited tour guides sa rehiyon ang gihatagan og honor lakip pagtunol og guide kits gumikan sa ilang dakong kontribusyon sa kalamboan sa industriya sa turismo sa Northern Mindanao.