P1.87 TRILYON KITA SA TURISMO SA PINAS
by Steph Berganio
MOABOT P1.87 trilyon ang gikita sa nasud sa Pilipinas gikan lamang sa turismo.
Kini ang mapasigarbuhon nga pamahayag ni Deparment of Tourism Secretary Christina Garcia-Frasco atol sa pagbukas sa labing unang Tourist Rest Area (TRA) sa Mindanao nga gibuksan sa Manolo Fortich Bukidnon.
Matud niini nga dako kaayo og kontribusyon sa ekonomiya sa nasud ang turismo maoy rason mas ilang gipaspasan ang tourism development.
“Dako kaayo ang kontribusyon sa turismo sa atong ekonomiya kay bisan pa niagi og pandemya in 2022 alone we recorded 2.65 million international visitors, 102 million domestic tourist sa Pilipinas, that translate to P1.87 trillion pesos in tourism spending,” matud ni Secretary Frasco.
Sa maong ihap nakahatag kini og trabaho sa mokabat 5.35 million ka mga Filipino ug laumang mosaka pa ang ihap niini labina ning tuiga nga mas misaka ang turismo sa nasud.
“Pinaka-importante nga pamaagi sa turismo nakahatag kita og trabaho sa sobra 5.35 million Pilipino and we anticipate to increased that number this year especially that our tourism is growing,” matud niini.
Gipaabot sab niini nga ang turismo dako og tabang sa pami-pamilyang Filipino hilabina kon adunay modangat nga mga turista makatabang kini dili sa kinitaan.
TOURIST SITE APP
Gikatakda usab nga maglusad og tourist sites apps ang DOT kon diin dinhi ma-feature ang mga nagkalain-laing tourism destination sa tibouk rehiyon sa nasud gikan sa nagkalain-laing munisipyo ug siyudad.
“We ensure that we will bring tourism in digital ug mapakita nato atong destinasyon pinaagi sa social media, we are launching a tourist site app that will feature all regions, province, cities and municipalities of the Philippines and feature tourism destination,” matud niini.
Lakip sa ibutang sa tourist site app ang paghatag sa mga inpormasyon, contact number sa mga tourist guide aron walay mabiyaan sa tuorism development.